India vs West Indies 2018 : West Indies Win Toss, Opt To Bat First Against India

West Indies captain Jason Holder won the toss and chose to bat first against India on day one of the second Test in Hyderabad on Friday. #IndiavsWestIndies2018 #prithvishaw #kuldeepyadav #cricket #westindiesinindia2018 #westindies #teamindia రెండు టెస్టుల సిరీస్‌లో భాగంగా భారత్, వెస్టిండీస్ జట్ల మధ్య రెండో మ్యాచ్ శుక్రవారం హైదరాబాద్‌లోని రాజీవ్ గాంధీ ఇంటర్నేషనల్ స్టేడియంలో ప్రారంభమైంది. టాస్ గెలిచిన విండీస్ కెప్టెన్ జాసన్ హోల్డర్ బ్యాటింగ్ ఎంచుకున్నాడు. జట్టులో రెండు మార్పులు చేసినట్టు హోల్డర్ వెల్లడించాడు. కీమో పాల్, షెర్మన్ లూయిస్ స్థానంలో తాను, జోమెల్ వారికన్ జట్టులోకి వచ్చినట్లు చెప్పారు. మరోవైపు భారత జట్టులో ఒక మార్పు చోటుచేసుకుంది. ఫాస్ట్ బౌలర్ మహమ్మద్ షమీకి విశ్రాంతినిచ్చి.. శార్దూల్ ఠాకూర్‌ను జట్టులోకి తీసుకున్నట్లు కెప్టెన్ విరాట్ కోహ్లీ చెప్పాడు. కాగా, సొంతగడ్డపై మరో టెస్టు సిరీస్‌ విజయంపై టీమ్‌ఇండియా కన్నేసింది. ఇప్పటికే తొలి టెస్టులో భారీ విజయాన్ని అందుకున్న భారత్.. రెండో టెస్టులోనూ విజయం సాధించి సిరీస్‌ను కైవసం చేసుకోవాలని చూస్తోంది. ఇక్కడి పిచ్‌ ఎప్పట్లా స్పిన్నర్లకే అనుకూలిస్తే మాత్రం భారత్‌ను ఆపడం విండీస్‌ తరం కాదు. వాస్తవానికి గతంలో ఇక్కడ జరిగిన నాలుగు టెస్టుల్లోనూ ప్రత్యర్థులపై టీమిండియానే పైచేయి సాధించింది.