गुमगाव परिसरात विद्यार्थ्यांना ‘लालपरी’ची प्रतीक्षा | Nagpur | Maharashtra | Sakal Media |

गुमगाव (जि. नागपूर) : कोरोनाचा प्रादुर्भाव कमी झाल्याने शाळा सुरू झाल्या असल्या तरी नागपूर आणि हिंगण्याहून गुमगावमार्गे नियमित होणारी बससेवा सुरू नसल्यामुळे गुमगाव परिसरातील शेकडो विद्यार्थ्यांचे शैक्षणिक नुकसान होत आहे. शाळेच्या शैक्षणिक वेळेत एकही बस नसल्या कारणाने विद्यार्थ्यांना खाजगी वाहनाने शाळा गाठतांना गैरसोय होत आहे. अधिकारी व लोकप्रतिनिधींच्या उदासीन धोरणामुळे विद्यार्थ्यांना बसअभावी शिक्षणापासून वंचित राहावे लागत आहे. बसअभावी विद्यार्थ्यांचे शाळेत उशिरा पोहोचण्याच्या प्रमाणात कमालीची वाढ झाली असून शाळा सुटल्यावर पुन्हा विद्यार्थ्यांना खाजगी वाहनासाठी कित्येक तास ताटकळत उभे राहावे लागत आहे. शैक्षणिक नुकसान टाळण्यासाठी नागपूर आणि हिंगणा वरून गुमगावमार्गे बस सुरू करण्याची मागणी आता सर्वच स्तरातून होत आहे. (व्हिडिओ - रवींद्र कुंभारे)Sakal Media Group is the largest independently owned Media Business in Maharashtra, India. Headquartered in Pune, Sakal operations span across newspapers, TV (SAAM TV), magazines, Internet, and Mobile. With a heritage of over 82 years Sakal Media Group Publishes the number 1 Marathi Newspaper in Maharashtra and also owns and operates its TV channel named SAAM TV.