Ram Charan Birthday : Tollywood Celebs Showers Wishes

Rangasthalm star Ram Charan, who turned 33 today, is swamped by birthday wishes from celebs and friends. Rana Daggubati, Kajal Aggarwal, and several other Telugu celebs wished the mega power star and also shared rare photos with him. మెగా పవర్‌స్టార్ రామ్ చరణ్ నేడు 33వ పుట్టినరోజు జరుపుకుంటున్నారు. ఈ నేపథ్యంలో పలువురు టాలీవుడ్ స్టార్లు, లక్షలాది మంది మెగా అభిమానులు ఆయన్ను విష్ చేస్తూ సోషల్ మీడియా దద్దరిల్లేలా చేస్తున్నారు. ఇప్పటికే రానా, కాజల్, శిరీష్‌తో పాటు చరణ్ వెల్ విషర్స్, అభిమానుల ట్వీట్లతో ట్విట్టర్, ఫేస్ బుక్ మార్మోగిపోతోంది. రామ్ చరణ్‌తో ‘రంగస్థలం' సినిమా తెరకెక్కించిన మైత్రి మూవీ మేకర్స్ మా చిట్టి బాబు సంతోషంగా, ఆరోగ్యంగా ఉండాలని ట్విట్టర్ ద్వారా ఆకాంక్షించారు. మై ఓల్డెస్ట్, బెస్టెస్ట్, ఫరెవరెస్ట్ స్నేహితుడికి పుట్టినరోజు శుభాకాంక్షలు అంటూ రానా దగ్గుబాటి విష్ చేశారు. రామ్ చరణ్ నా ఫేవరెట్ కజిన్... చాలా మంచి వ్యక్తి, తెలివైన వాడు అంటూ అల్లు శిరీష్ ట్వీట్ చేశారు. తన బెస్ట్ కోస్టార్లలో రామ్ చరణ్ ఒకరని గతంలో పలు ఇంటర్వ్యూల్లో వెల్లడించిన కాజల్.... చెర్రీ పుట్టినరోజు సందర్భంగా విష్ చేస్తూ అతడి తాజా చిత్రం ‘రంగస్థలం'కు బెస్టాఫ్ లక్ తెలియజేసింది. సార్... మీరు ఇలాంటి పుట్టినరోజు వేడుకలు ఎన్నో జరుపుకోవాలని కోరుతూ నిర్మాత బండ్ల గణేష్ ట్విట్ చేశారు. ఈ ఇద్దరి కాంబినేషన్లో గోవిందుడు అందరివాడే సినిమా వచ్చిన సంగతి తెలిసిందే. టాలీవుడ్ డైరెక్టర్ గోపీచంద్ మలినేని రామ్ చరణ్‌ను విష్ చేస్తూ ట్వీట్ చేశాడు. దిల్ రాజుకు చెందిన ప్రముఖ సినీ నిర్మాణ సంస్థ ఎస్.వి.సి రామ్ చరణ్‌కు బర్త్ డే విషెస్ తెలియజేసింది.